SK Productions News Center

فيديو لاخر مرحلة تطوير وصلت ليها Alan Wake 2

اللي متابع اخبار Alan Wake و خصوصا اي معلومات تخص تطوير جزء تاني منها هيعرف ان عملية تطويرها متعثرة شوية و تقريبا اتوقفت عشان Remedy Games انشغلوا Quantum Break حصرية الـXbox One.

لكن مدير الاستديو Sam Lake في مقابلة مع موقع Polygon عرض اخر مرحلة وصل ليها تطوير اللعبة و اللي تعتبر نموذج مبدئي ليها , و اللي كان واضح جدا انها شكلا مش مختلفة عن الجزء الاول و الجيمبلاي نوعا ما فيه شوية تقل في الحركة

لكن الديمو كان فيه بعض الافكار الجديدة و الملفت للنظر ان في حجات كتير علي ما يبدوا ان تم نقلها للجزء الفرع American Nightmare , لكن السؤال الاهم و اللي اتسأل لـSam Lake في المقابلة هل من الممكن نشوف الجزء دا مطور بشكل كامل و الناس تقدر تلعبه؟ و هل مايكروسوفت عندها اهتمام بدعم المشروع دا ؟ لكن رد Sam ان مع الوقت ممكن تحصل اتفاقات و يحصل حاجة جديدة هو معندوش علم بيها حاليا , لكن هما نفسهم يعملو اللعبة و يطوروا الفكرة الاساسية اللي بنوها.