أخبار و مراجعات ألعاب الفيديو

Activision تؤكد عودة ستوديو Sierra و الاعلان عن King’s Quest جديدة

SHARE
, / 215

الاسبوع الفات كان في تلميح إن ستوديو Sierra هيرجع تاني, Activision أكدت كده وبتعيد أحياء الستوديو بخطط جديدة وهي مشاريع مستقلة فيها نسبة خطورة وأفكار جديدة, وبرضه اعادة تطوير بعض اعمال Sierra القديمة, هيبدأوا بـKing’s Quest و Geometry Wars.

Bob Loya مدير المشاريع الخارجية في Activision قال “هدف Sierra هو إنها تلاقي وتشتغل مع المطورين المستقلين الموهوبين اللي شغالين على مشاريعهم أو عايزين يشتغلوا على مشروع جديدة من Sierra. واحنا حاليا في كلام مع مطورين مستقلين كتير واحنا مش قادرين نصبر عشان نصدر تفاصيل أكتر مع الجماهير في المستقبل القريب.”

أول لعبة هي لعبة قديمة هتعمل تاني, The Odd Gentlemen مطوري The Misadventures of P.B. Winterbottom شغالين على نسخة جديدة من King’s Quest من المفترض إنها هتنزل في 2015. وهتبقى زي اعادة نظر في اللعبة مش اعادة صناعة كاملة للعبة, والستوديو قال إنها هتقدم نفس الالغاز الصعبة و سردي القصص المتفاعلين مع اللاعب. وبرضه فيه Geometry Wars 3: Dimensions, ودي هتبقى جزء 3D كامل في السلسة من المفترض إنها هتنزل على آخر سنة, تحت التطوير برضه اللعبة ديه من ستوديو Lucid Games.

Ken Williams قال في تقرير النهاردة انه فخور وسعيد جدا بكل الشغل اللي قدمته Sierra Online, وأخبار إن الستوديو هيرجع وتركيزه على المطورين المستقلين هو امر مشجع جدا. واحنا منتظرين بشدة إن احنا نشوف إيه اللي الستوديو The Odd Gentlemen هيعملوا مع King’s Quest.