أخبار و مراجعات ألعاب الفيديو

فيلم Assassin’s Creed القادم هيبقى متأثر بـBatman Begins و Blade Runner

SHARE
, / 90

كل محبي سلسلة Assassin’s Creed نفسهم طبعا يشوفوا الفيلم هيبقى عامل إزاي. Jean Julien Baronnet الرئيس التنفيذي لـUbisoft Motion Pictures قال معلومات مهمة عن الفيلم.

خلال مقابلة مع مجلة Premiere الفرنسية, Baronnet اتكلم عن روئية الستوديو للفيلم, وإنها مبنية على أساسيات زي اللي في Batman Begins أو Blade Runner.

احنا قولنا لـMichael Fassbender إن احنا هنبني المشروع ده مع بعض, إن احنا عندنا Brand ضخمة جدا وعايزين نعمل فيلم مبني على أساسيات زي Batman Begins أو Blade Runner. ده هدفنا. ووعدنا إن احنا ممكن نشتغل مع كاتبي السيناريو وإن احنا هنخليه ليه دور في القرارات الابداعية المهمة.

وكمل كلامه وقال إن الفيلم هيتقسم ما بين الماضي والحاضر, والكلام ده في الفيلم هيبقى أكتر من اللعبة, اللعبة ذات نفسها كانت مركزة على الـAssassin و الماضي, وكانت بتروح للحاضر في مقاطع معينة.

تطوير الـAssassin ده كان معقد جدا, لأن احنا هنا شغالين على فترتين زمنيتين, فترة في الحاضر و فترة في الماضي. مع بطلين, إنت عندك Callum بطل الفيلم في الحاضر, و سلفه Aguilar, الاتنين ليهم قصتين موازيتين هيتقابلوا. في الافلام بشكل عام بيبقى عندك بطل واحد. وفي الرابط ما بين الماضي والحاضر, مينفعش يبقى في قصة ليها اسبقية عن التانية, فـ هيكليا الموضوع معقد جدا.

Ubisoft كشفت عن ميزانية الفيلم, وهي هتبقى ما بين 150 لـ200 مليون دولار.