لعبة Battlefield 4 من المفروض ينزل ليها DLC اخير بأسم Last Stand , تفاصيل قليلة عن الـDLC معروفة لحد دلوقتي بس اللي حصل ان من خلال موقع BF4Central اتسرب صورة من الـDLC دا.
الصورة غريبة شوية هي اولا في بيئة تلجية و بيظهر فيها عسكري ماسك سلاح متطور و تقريبا دا شكله railgun !! الـDLC حسب ما شوفنا في عرض من فترة هيضيف اسلحة متطورة لكن وجود الشكل دا من الاسلحة مكنش متوقع خصوصا ان سلسلة Battlefield مكنش فيها اي افكار او اسلحة خيال علمي الا من خلال جزء واحد و هو 2142.
و بشكل رسمي تم الاعلان عن معلومات تخص الاضافة انها بتقدم خرايط في مناطق بروسيا ببيئات تلجية و بتقدم اسلحة و ادوات من تحت التطوير لاستخدامها في عمليات عسكرية في المستقبل مع التركيز علي القتال بين الجنود اكتر من التركيز علي المركبات.
و الاضافة هتقدم للناس اسرار عليهم اكتشافها من نماذج تجريبية لاسلحة مستقبلية بالاضافة لسلاح الـrailgun اللي بيكون موجود في مكان معين بالخريطة عليك انك تستخدمه. بالاضافة لوجود hover tank اللي هي دبابة تقريبا بتتطير بارتفاع قليل جدا فوق الارض عن طريق محركات طيارات بتساعدها علي كده.
