يمكن يكون الخبر دا متوقع مع عدد لا بأس منه من التأجيلات و عدم وجود معلومات عن اللعبة غير نقل تطويرها من ستديو للتاني , بس بالفعل bethesda اعلنت عن الغاء تطوير لعبة Prey 2 .
اللعبة المفروض ان تم الاعلان عنها في E3 2011 و المفروض انها الجزء التاني طبعا للجزء اللي نزل في 2006. و العرض اللي الناس شافته وقتها كان حلو جدا علي رغم انه CGI بس حمس الناس انها تشوف اللعبة في الاخر هتبقي عاملة ازاي.
خبر الغاء اللعبة اعلن عنه Pete Hines مدير Bethesda و قال انهم كان عندهم كامل الحماس للعبة و الايمان بالفكرة اللي عاوزين يوصلوا ليها بس للاسف النتايج مكنتش زي ما هما عاوزين تماما و مش هتكون اللعبة الناجحة اللي عاوزين يعملوها و موصلتش لمعايير الجودة الخاصة بيهم.
لاي حد ماشفش العرض الخاص باللعبة من 2011 ممكن تشوفه تحت.
