حسب مخرج اللعبة Beyond Good and Evil 2 هي مشروع مهم جدا بالنسبة لـUbisoft و عمر ما المشروع ده اتلغى.
حسب Michel Ancel, الصورة اللي كان نشرها على حسابه الخاص على Instagram كانت طريقة عشان يقول للجميع إن اللعبة موجودة, و إن Ubisoft مهتمة باللعبة و المشروع عندها جدي جدا. خلال حديثه مع Kotaku في Indiecade Europe, كشف أيضًا إن اللعبة تطويرها بدأ بعد الأنتهاء من تطوير Rayman Legends.
اللعبة لسة عليها فترة طويلة شوية عشان تبقى متوفرة في السوق, و Ancel لسة مش مستعد عشان يتكلم عن تفاصيل من اللعبة حاليا, بسبب تعقيد الحاجات في عملية تطوير اللعبة حاليا.
Ancel أكد تاني على تعليقه الماضي الخاص بـ إن التكنولوجيا الحالية وصلت للقوى الكافية اللي هو يقدر يحقق فيها رؤيته الخاصة بالجزء التاني, بالتحديد لما تاخد حجم اللعبة المخطط لها تحت الاعتبار.
حتى في Beyond Good and Evil 1 كان من المفترض يبقى فيه تنقل عبر الفضاء وحاجات كتير تانية ولكن الموضوع كان محدود. ولكن دلوقتي الموضوع المثير جدا هو إن الـConsoles قوية جدا كمية الـMemory المتاحة في CPU, إنت تقدر تعمل كمية حاجات دلوقتي وموضوع لم يعد ‘آه خلاص مش هنقدر نعمل الموضوع ده فـ نشيله’ خلاص الـConsoles الحالية تقدر توصلنا للي احنا عايزينه.
Ancel أيضًا كشف إن بعض العناصر اللي هو بيخطط لاضافتها في اللعبة ممكن يكون تم تطويرها في لعب أخرى, زي Star Citizen.
احنا حاليا بنشوف لعب زي Star Citizen و إزاي فيها انظمة كواكب ضخمة و بنفكر في إزاي احنا عندنا نفس المشاكل ولكن احنا متطورين في الجزء ده, وهم بيقدموا حاجة كويسة في الجزء الخاص بيهم.
الموضوع جنوني وصعب جدا إن احنا نفسره للناس وإزاي الموضوع فني جدا في. تطوير اللعب دلوقتي لم يعد عبارة عن polygons وحاجات زي كده, الموضوع بقى عبارة عن ملايين من الأنظمة الشغالة بذكاء اصطناعي ولازم تقدم تأثير معين, و مراكب ضخمة بتصطدم في كواكب ضخمة.
اللعبة حتى الآن لم يتم الكشف عن موعد اصدارها, و غير معروف هي هتنزل على أنهي Console.
