خلال محادثة EA مع المستثمرين النهاردة, الشركة لمحت إن BioWare مطوري Mass Effect و Dragon Age شغالين على التوسع خارج صناعة الـRPGs و ممكن يبقوا شغالين على لعبة Action.
في شريحة من شرائح العرض تم الكشف إن BioWare ممكن تكون بتساهم في تضخم EA في نوع الـAction. الرئيس المالي Blake Jorgensen كرر وأكد إن النوع ده من الألعاب ممكن يصنع أرباح ضخمة جدا.
بالاضافة إلى Mass Effect: Andromeda, ستوديو BioWare حاليا شغال على IP غير معلن عنه, و ممكن يبقى Action game, ولو فعلا كده فـ ده سبب ظهور الستوديو في شريحة العرض أو ممكن Andromeda هيتم اعتبارها لعبة Action و مش هتبقى RPG ولكن ده شيء غير متوقع خالص.
الستوديو التاني هو Motive Studios, و هو الستوديو اللي بيدير Visceral Games مطوري Dead Space و اللي شغالين حاليا على لعبة Star Wars جديدة و IP جديد. ستوديوهات Motive بيتم رئاستها من قبل Jade Raymond واحدة من مؤسسي سلسلة Assassin’s Creed.
بالاضافة, Respawn Entertainment مطوري Titanfall شغالين على لعبة Third-Person في عالم Star Wars.
خلال العرض, Jorgensen اقترح إن لعبة Action واحدة ناجحة ممكن تعمل فوق الـ400 مليون دولار في الأرباح, و الأرباح ديه هتزيد لو تم تقديم كذا لعب من النوع ده في السوق.
يبدو كده إن EA هتكشف عن حاجات كتير خلال E3.
