أخبار و مراجعات ألعاب الفيديو

سلسلة جديدة من ستيديو Bioware تحت التطوير حاليا لاصدارها في 2018

SHARE
, / 244
سلسلة جديدة من ستيديو Bioware  تحت التطوير حاليا لاصدارها في 2018

خلال اجتماع للمستثمرين ناقشت EA الناشر الخاص بالعاب Bioware ان العنوان الجديد للستوديو المسئول عن Mass effect و عنوانه الجديد الى كانوا شغالين عليه من 2012 متوقع اصداره فى مارس 2018.

حسب تصريح Andrew Wilson  الوقت دة ميعتبرش بعيد بالنسبة للعبة مشفناش عنها اى حاجة لحد دلوقتي و Wilson أكد انها مش لعبة RPG و لكنها هتكون لعبة Action Adventure و فى بعض التفاصيل الى ليها علاقة بالـRPG سواء بالشخصيات او تقدم القصة فهى مش لعبة RPG بشكل كامل.

كان من الغريب اننا نسمع اخبار عن لعبة خلال الاجتماع  لكن Aayrn Flynn مدير  Bioware  اعلن من خلال مدونة الاستديو انه هيوضح معلومات اكتر عن اللعبة خلال الشهور الجاية و قال فى 2012 بدأوا يشتغلوا على عنوان جديد عالم مختلف و شخصيات و قصص جديدة و طموحهم ان من خلال خبرة اكتر من 20 سنة من تطوير الالعاب و دروس كتير مستفادة انهم يقدموا تجربة تستمع بيها انت و اصدقائك.

عموما اخر لعبة لاستديو Bioware حاليا Mass Effect Andromeda هتصدر يوم 21 مارس 2017 .