يبدو ان فيه محتوي اضافي جديد للعبة Black ops 3 تحت التطوير ومقرر اصداره في 2017
نحب ننوه اولا ان Black ops 3 مش اخر اصدار من سلسلة Call of duty لكن من الواضح انه من اكثر اجزاء السلسلة شعبية حاليا وبالطبع الجزء دا محبب لمحبي السلسلة عن الجزء الصادر السنادي Infinite warfare.
علي غير العادة ان اجزاء السلسلة عموما كان بيتم الاعلان عن محتوايتهم الاضافية اللي هتكون متاحة للـSeason pass بشكل مسبق لكن يبدو ان الامر هيختلف السنادي وآخر DLC اللي عادة بيصدر في شهر سبتمبر/اكتوبر مش هيكون اخر محتوي اضافي.
استوديو Treyarch قام بعمل بث مباشر علي الفيس بوك والبث كان قصير, استعرضوا فيه المحتويات الاضافية اللي تم اصدارها للعبة علي مدار سنة 2016 واتكلموا بشكل موجز عن محتويات اضافية محتملة في الطريق كلا من Jason Blundell و Dan Bunting المنتج المنفذ والمسئول عن طور اللعب الجماعي “علي الترتيب” صرحوا ان اللعبة هتتحصل علي تحديث في بداية السنة الجاية.
تصريحاتهم مكانش فيها تحديد بشكل صريح اذا كان التحديثات هتتضمن خرايط او اطوار لعب جديدة او تحسينات بشكل عام علي تجربة اللعبة. Bunting اكد علي شيء واحد ان فيه اضافة جديدة لمود ال Zombies هتكون من ضمن التحديثات اسمها “Newton’s cookbook” بالتالي هنضطر نستني ونشوف طبيعة المحتوي الاضافي بشكل اكثر دقة في بداية عام 2017.
