أخبار و مراجعات ألعاب الفيديو

Blizzard مش هتتهاون مع الغشاشين في لعبة Overwatch

SHARE
, / 221
Blizzard مش هتتهاون مع الغشاشين في لعبة Overwatch

صرحت شركة Blizzard انهم مش هيتهاونوا او يدوا فرصة تانية لأي حد هيحاول يغش او يستخدم hacks في لعبة Overwatch.

وده بيوضح من خلال تصريح مدير مجتمع اللعبة  “Lylirra” ان اي حد هيستخدم اي نوع من الغش او الـHacks او برامج تساعده علي ان الافضلية تكون ليه بأي شكل من الأشكال هيتم حظره من السيرفر نهائيا وبدون سابق انذار والايقاف هيكون دائم مش مؤقت لعدة ايام او اسابيع.

وعلي حد كلام “Lylirra ” ده اللي قاله

“مش بس ان الغش والبرامج دي بتدمر من اسس اللعبة اللي تم بناء اللعبة عليها لكن كمان بتدمر اي جانب متعة فاللعبة في حين اننا مش هنعلن بشكل صريح عن الاكونتات اللي هيتعملها حظر او سبب الحظر ده لكن كونوا متأكدين اننا هنراقب اي نوع من محاولات استخدام طرق او برامج غش للحفاظ علي روح اللعبة من اي تعكير لصفو التجربة. اي لاعب هيظن او يجد دليل ان فيه لاعب تاني بيغش هيكون متواجد ليه خيار انه يبلغ عن اللاعب ده من داخل اللعبة

و حذر برضه ان ال kill cam system فيه بعض المشاكل اللي ممكن تخلي البعض يظن ان اللي بتلاعبه بيستخدم هاك او بيغش بطريقة ما لذلك الاعتماد عليها فتحديد الهاكرز والغشاشين هيكون صعب.

اللعبة هتصدر علي Xbox One و Playstation 4 والبي سي ف 24 مايو.