من الواضح ان السنة دي هتكون مختلفة علي سلسلة Call of Duty و هي ان جزء 2017 هيكون مختلف عن النهج الي متبعاه شركة Activision مع اللعبة من ثلاث اجزاء سابقة و هي Advanced Warfare و Black Ops III و Infinite Warfare و كانت سياستها هي ان اللعبة بتكون بتقدم محتوى عن المستقبل.
و بعض عاصفة الانتقادات الي واجهتها الشركة بسبب اللعبة الـJetPack و هي الي بتسمح للاعبين بقفزات اشبه الي الطيران , قررت شركة Activision السنة دي ان اللعبة ترجع الي جذورها و اصلها و ان اللعبة تكون علي الارض من غير الـJetPack او Exo Suits و في احتمال انها تكون في الماضي و التخلي نهائيا عن فكرة المستقبل .
و في تصريحات من Eric Hirshberg رئيس شركة Activision بان جزء 2017 هيكون فية توازن بين الاجزاء القديمة و الجديدة و انهم شايفين ان جزء Infinite Warfare مش السئ كما يقال و انه بيحتوى افكار و ابتكارات جديدة و انهم هياخدوا الانتقادات وجه الاعتبار و لكن مش هيقدروا يلموا بكل الاراء الي اتعرضت عليهم و ان الجزء الجديد هيكون بيحتوي ايضا علي افكار و ابتكارات جديدة .
Hirshberg اكد ان جزء 2017 واخد موافقة التطوير من اكتر من سنتين و انهم مش قادرين يصبروا عشان يعلنوا عنه و يظهروه للعالم و غالبا بيتم الاعلان عن الجزء الجديد من لعبة Call of Duty في الربيع و اللي بيكون شهر ابريل او مايو .
شركة Activision ماعلنتش عن تفاصيل كتير ولا الافكار الي Sledgehammer ناويين يعملوها في اللعبة و لكن من الواضح انهم هيتنازلوا عن الافكار المستقبلية و الحروب الوهمية الي بيعملوها و يرجعوا لاصل اللعب و تكون الاحداث بتدور في الماضي .
سلسلة Call of Duty بدات من عام 2003 و كانت احداثها بتدور في الحرب العالمية التانية لحد 2007 اصدروا جزء Call of Duty 4: Modern Warfare و من ساعتها قرر فريق Infinity Ward انة يدفع اللعبة لعالم المستقبل و الخيال و بدائت العبة تخرج عن السيطرة من اول جزء Advanced Warfare و اللعبة توغلت بشكل كبير جدا في المستقبل و الفضاء رغم ان جزء Black Ops 3 كان مقبول جدا بالنسبة اللاعبين رغم الاعتراض علي الـJetPack و بعد كدة جزء Infinite Warfare الجزء الي اخد اعلى نسبة اعتراض من اللاعبين و الي جعل ناس كتير تترك اللعبة و فرق مشاركة في البطولات تنسحب بسبب سوء هذا الجزء .
