أخبار و مراجعات ألعاب الفيديو

CD Projekt Red يردوا على اشاعات الاستحواذ على الستوديو

SHARE
, / 179
CD Projekt Red يردوا على اشاعات الاستحواذ على الستوديو

الأسبوع اللي فات الستوديو CD Projekt Red الفريق اللي ورا سلسلة The Witcher أعلنوا إن هيبقى في اجتماع يوم 29 نوفمبر مع المساهمين عشان يصوتوا على معايير للدفاع عن الستوديو من الاستحواذ.

وكعادة الإنترنت: الاشاعات بدأت تظهر في كل حتى عن احتمالية الاستحواذ على الستوديو, و البعض اقترح إن EA وراء الحركة ديه.

النهاردة, CD Projekt Red ردوا على الاشاعات السخيفة ديه بشكل رسمي. حسب المتحدث الرسمي للشركة, إن المعايير اللي هيتم اعتبارها ديه مش رد على أي حدث بشكل معين خالص, ولكن الموضوع ببساطة هو اجتماع عشان يبقى الستوديو عنده معايير لمواجهة حاجة زي كده لو حصلت في يوم من الأيام. الموضوع عبارة عن تأمين من فرضية ممكن تحصل مش أكتر.

زي ما البعض عارف ديه مش أول مرة يبقى في اشاعات إن CD Projekt Red ممكن يتم استحواذه. في سبتمبر 2015, كان في تقرير إن EA بتحاول تستحوذ CD Projekt Red وإن في كلام بين الاتنين, ولكن CD نفوا الموضوع ده. وفي يونيو الماضي الستوديو خلال حديثة مع Develop, كشف إن شركات كتير بتبعتلهم عروض لشراء الستوديو بشكل دائم.

على الرغم من كل الشائعات, CD Projekt Red صلب جدا عند موضوع بقاء الستوديو مستقل.