اخر عرض نزل للعبة Metal Gear Solid 5 كان ممتاز و رائع و حمس ناس كتير للعبة بما فيهم مجموعة مخرجين افلام . و كل واحد فيهم عبر عن اعجابه باسلوب الاخراج اللي عمله كوجيما في العرض , و كان من ضمنهم Nicolas Winding Refn مخرج فيلم Drive و Only God Forgives و اللي سأل اذا كانت ارواح ناس زي Dostoyevsky و Stanley Kubrick و Caravaggio احتلت جسم كوجيما , و عبر عن اعجابه باستخدام الـGaming لنشر رؤيته الفنية.
Chan-wook Park مخرج فيلم Oldboy -واحد من افلامي المفضلة- قال ان كوجيما في الوقت الحالي بيخرج فيلم علي طريقته و Metal Gear Solid تعتبر زي فيلم دلوقتي و بتمثل الافلام اللي ممكن نشوفها في المستقبل.
Shinya Tsukamoto مخرج فيلم Tetsuo: The Iron Man قال ان الناس لما تقدر تخلص اللعبة هيتغيروا لاشخاص مختلفين تماما.
علي الموقع الخاص باللعبة هنا ممكن تشوفوا باقي التعليقات اللي قالها مخرجين زي guillermo del toro و Avi Arad و Norman Reedus.
