أخبار و مراجعات ألعاب الفيديو

اشاعة : Cyberpunk 2077 من الممكن يكون معاد اصدارها نهاية 2016

SHARE
, / 224

لو حد يفتكر ستوديو CD Projekt Red كان اعلن في يناير 2013 عن Cyberpunk 2077, ومن ساعتها مفيش أي أخبار عن اللعبة.

CD Projekt Red قالوا قبل كده إن مش هيبقى في كلام عن اللعبة قبل أول 2017, ولكن حسب موقع ألماني باسم Gamereactor اللعبة هنشوفها قبل المعاد ده.

الموقع بيدعي انه ليه مصدر قريب من CD Projekt Red, وإن المصدر ده قال للموقع إن الستوديو هدفه إن اللعبة تنزل في آخر 2016.

في الوقت الحالي اللعبة كان معلن إنها هتنزل على PC, ولكن بعد النجاح الساحق لـThe Witcher 3 على PS4 و Xbox One فـ من المتوقع جدا إن اللعبة تنزل عليهم.

Gamereactor صراحة من المواقع اللي من الممكن إن الواحد يصدق اخبارها, بأعتباره واحد من اكبر مواقع الأخبار في أوروبا. ولكن حتى الآن كل ده عبارة عن اشاعة من مصدر غير معروف ومفيش تأكيد من CD Projekt Red.