في مقابله لـHideo Kojima و Mark Cerny علي مسرح Develop Brighton , اتكلم Hideo Kojima انه بفضل التقنيات العالية الي معاه و مساعده Mark Cerny مصمم الـPlaystation 4 مش هيبقي مضطر تاني انه يساوم في تطوير رؤيته للعبة جديدة علي سبيل انه يخرج لعبة كاملة , و انه هيقدر يحقق الي بيفكر فيه تماما.
ووضح Kojima كده و قال ان و هو بيطور اي لعبة بيبقي في نقطة في مسار التطوير بيضطر انه يلغي حاجه و يوصل لحل وسط بيلغي رؤيته النهائيه للعبة لانه بيبقي افضل حل بسبب مشكله تقنية او عدم وجود قدرات كافيه انه ينتج الي بيكون عاوزه تماما , و قال ان هو متأكد ان Death Stranding هتبقي افضل اعماله بفضل انه شغال مع Mark Cerny , و اتكلم عن انه نظرته فاللعبه الحالية ان توصيل المشاعر هيبقي اسهل عن طريق الالعاب و التواصل المباشر انك تقدر تعبر عن شيء لشخص بصدق تماما و شيء صعب هيبقي تحقيقه عند نقطة ما في المستقبل هيكون اسهل بكتير عن طريق الالعاب او العاب الـOnline تحديدا.
و قال ان مع اقتراب الـE3 كان بيتملكه الخوف الي منعه من النوم بسبب خوفه من تسريب اي حاجه عن الاعلان المفاجيء , لان كل سنه بيبقي في تسريب قبل المعرض و خصوصا متعلق بيه في اخر سنتين , لدرجه وصلتهم ان اللعبه مكنش حد يعرف انها موجوده في العالم بشكل عام و شركه سوني كلها بشكل خاص غير 5 اشخاص هو واحد منهم , و لما المعرض اشتغل و اتسرب كذا حاجه لالعاب تانية مكنش بيعرف ينام خوفا انه يصحي يلاقي الاعلان عن لعبته نوعا ما اتكشف انه هيحصل او اتسرب , و لكن مع Sony عنده فرصه كبيره جداً في تحقيق رؤيته خصوصا ان Sony قالت في E3 لـVG24/7 ان هم سايبين لـHideo Kojima مطلق الحريه في التعبير عن اي حاجه هو عايزها حتي لو حاده و التصرف بمطلق الحرية و ده ظهر بشده في الاعلان عن Death Stranding , و اللعبه في الوقت الحالي مفيش اي معلومات عنها غير انها تحت التطوير حصريا للـPS4.
