كلنا في الفترة اللي فاتت سمعنا من مدير Activision الرقم الضخم اللي يخص تكلفة انتاج لعبة Destiny و حسب ما قال وصل لـ500 مليون دولار.
لكن هل دا كان فعلا الرقم اللي يخص التطوير الخاص باللعبة بالتحديد ؟؟ pete parsons مدير ستيديو bungie جاوب علي السؤال ده و قال رقم الـ500 مليون دولار ممكن تسأل عنه activision نفسهم لكن عملية التطوير بالتحديد و تكلفتها عمرها ما كلفت الرقم ده و اكد انهم لما راحوا اشتغلو مع activision كانو عاوزين يعملوا عالم و قصة تتحكي علي مدار الـ10 سنين اللي جايين , و اتكلم اكتر عن تعاون ستيديو زيهم مع ناشر زي activision و من كلامه تقريبا عاوز يقول ان الشركة بتستثمر علي المدي الطويل في اللعبة نفسها.
تقريبا الرقم شامل عمليات التطوير اللي هتم علي الـDLC’s و الاضافات و المحتوي اللي هيتضاف للعبة حتي بعد نزولها و اكيد كمان عملية التسويق ليها جزء كبير من الرقم دا.
