محاولات EA إنها تنافس Activision وتنزل جزء سنوي من Shooter ضخم موجودة طبعا, ولكن اصدار Battlefield: Hardline مش معناه إن احنا هنشوف جزء كل سنة من Battlefield.
EA كانت اعتياديا بتنزل الـShooter بتاعتها سواء كانت Battlefield أو Medal of Honor قبل وقف تطويرها في شهر أكتوبر قبل Call of Duty بفترة بسيطة, و طبعا وجود Medal of Honor كان بيسد الخرم البين كل جزء من Battlefield, ولكن فشل Medal of Honor من ساعة ما اتعملها Reboot وبعدها تم وقف تطوير اللعبة حط EA في موقف وحش جدا.
وطبعا مع اصدار Battlefield: Hardline بعد سنة من Battlefield 4, ده يخلينا نظن إن EA غيرت Battlefield من لعبة تنزل كل كام سنة للعبة سنوية بيتم تطويرها من كذا ستوديو.
ولكن نائب رئيس EA Studios التنفيذي قال لـPolygon ان ديه مش الحقيقة. وان Hardline هي جزء كانوا عايزين يعملوه من زمان. وان ده حصل بعد اجتماع Karl-Magnus Troedsson رئيس Dice مع Steve Papoutsis رئيس Visceral, وكونوا الفكرة وبدأوا تنفيزها.
وأضاف إن فكرة البوليس والحرامي اللي في اللعبة موجودة معاهم من أكتر من 10 سنين.
في سنة 2001 كان في لعبة تحت التطوير في المرحلة البدائية كانت اسمها ساعتها Urban Combat, وكان نفسهم يعملوا حاجة زي ديه.
وفيه مدير تاني في Battlefield قلقان إن جماهير اللعبة من ساعة الاعلان عن Hardline وهم في حالة غضب بسبب الحصل مع اصدار battlefield 4 في حالة سيئة. وإن في لعبة تانية هتنزل قريب وبكدة الناس هتحس إنـHardline لعبة تم الاستعجال عليها.
ولكن Söoderlund قال انهم هيكملوا انهم يخلوا Battlefield 4 افضل. وان كل الصلحوا في Battlefield 4 هيتم اضافته في Hardline.
Hardline هتنزل على PC, PlayStation 3, PS4, Xbox 360 و Xbox One في أكتوبر.
