و اخيرا بعد فترة طويلة من الاشاعات و نفيها و افتراضات كتيرة من ناس مستنية الجزء الرابع من Fallout , اخيرا Bethesda بدأت في عد تنازلي للاعلان عن اللعبة.
العد التنازلي اكد علي ان اول عرض للعبة هيكون بكرة و ممكن تشوفو العد التنازلي من هنا.
في طبعا اعتقادات كتير ظهرت مؤخرا ان اللعبة هيتم الاعلان عنها بمجرد ما Bethesda اكدت علي ان ليها عرض خاص بيها في E3, ظهرت طبعا اشاعات كتير في الفترة اللي فاتت و كل ما تظهر Bethesda تنفيها لكن محصلش اي نفي لاي اشاعات تخص العرض الخاص بيها في E3.
جدير بالذكر ان البرمجة الخاصة بالموقع اللي عليه العد التنازلي كان فيها سيرة واحد من شخصيات الجزء التالت و هو Masterbrain و هو كان عبارة عن Robot و مكتوب في الكود الخاص بالموقع ان هيتم قفل Masterbrain لاسباب امنية.
عموما الخبر اكيد هيكون سعيد جدا لاي شخص منتظر اللعبة و انا منهم طبعا و في انتظار العرض الاول و اتمني عرض للجيمبلاي في E3.
