Far Cry Primal من الواضح انها هيكون ليها نبرة سوداوية و بالغة في عرض القصة, لان التقييم العمري اللي ظهر من خلال ESRB بيشير ان اللعبة هيكون فيها مشاهد تعذيب و مشاهد دموية فيها بتر اطراف و مشاهد جنسية برضو, و تقريبا دا مؤشر علي منع اللعبة في بعض الدول العربية.
حسب وصف موقع Kotaku من استعراض اللعبة اللي هما شافوه ان اللعبة فيها تعرض شخصيات للحرق و هما احياء و مشاهد لجثث متعرضة اطرافها للبتر و مشاهد دموية كتيرة جدا.
Far Cry Primal المفروض انها هتنقل السلسلة لفترة تاريخية جديدة و هي عصور ما قبل التاريخ و هتنزل يوم 1 مارس علي الـXbox One و Playstation 4 و PC.
