من الغريب ان احنا نشوف شركة تنزل ديمو للعبة و يكون فيه مشاكل و بعدين يتم تنزل Update يحل جزء من المشاكل دي.
دا اللي حصل مع ديمو لعبة Final Fantasy 15 اللي كان فيه مشاكل سبق اتكلمنا عنها في فيديو مخصوص زي حركة الكاميرا و ان مفيش Lock on , المفروض من خلال تحديث للديمو ان المشاكل دي اتحلت و حسب ما وصف المطورين ان الديمو بقي اسمه Final Fantasy 15: Episode Duscae 2.0.
الديمو دلوقتي فيه Lock on System جديد و كمان تحكم افضل في الكاميرا و طريق مختلفة انك تعمل Dodging و المطورين قالوا انهم عارفين ان في مشاكل تانية في الديمو زي الـFramerate الغير ثابت و اكدوا ان بيتم حلها بس من الصعوبة اضافة الحلول للديمو و بكده هيحتاجوا ينزلو ديمو جديدا تماما.
عموما شئ كويس جدا ان Square Enix انتبهوا لاراء الناس و كمان حدثوا الديمو عشان الناس تشوف التغيير و ميبقاش الموضوع اكتر من مجرد كلام.
