أخبار و مراجعات ألعاب الفيديو

شركة Valve مازالت عندها الرغبة في تقديم العاب Single Player و مستقبل Half Life و Portal

SHARE
, / 268
شركة Valve مازالت عندها الرغبة في تقديم العاب Single Player و مستقبل Half Life و Portal

Gabe Newell مدير شركة Valve من خلال جلسة اسألة و اجوبة علي موقع Reddit رد علي اسالة كتيرة تخص مستقبل الشركة و الالعاب الجديدة اللي هيقوموا بتطويرها و Source Engine 2.0.

اولا هو اكد ان محرك Source 2 التطوير من خلاله في الالعاب القادمة منهم و نقل التجارب المهمة من العابهم للمحرك الجديد زي ما حصل مع Dota 2 و اللمحرك حاليا بالفعل بيتم استخدامه لتطوير مشاريع غير معلن عنها. و غير كده اكد ان مجانية توفير المحرك لاي مطور خارج Valve امر مهم جدا بالنسبة لهم.

من خلال سؤاله عن اتجاه Valve في العابها المستقبلة و نوعية التجارب المقدمة منهم قال ان الشركة بتسعي وراء تقديم تجارب متعددة سواء من جانب الـHardware او العاب للـVR او تطوير مجال الذكاء الاصطناعي و الابحاث الخاصة بتحويل اي كومبيوتر لعقل مفكر.

من خلال سؤال عن لعبة Left 4 Dead ابدي اهتمام الشركة ان في اكتر من سوق و تجربة بيسعوا انهم يقدموا العابهم من خلالهم, علي سبيل المثال سوق الالعاب المجانية كان امثل سوق لتقديم لعبة زي Team Fortress من خلاله و كان سوق مناسب للمحتويات الاضافية المصممة من مجتمع اللعبة و اما Left 4 Dead كان تعليقه عليها مجرد تعليق صعب استخراج نتيجة وافية منه لكنه قال ان اللعبة افضل مكان لتقديم روايات مشتركة بين اللاعبين.

اما بالنسبة للجانب الاهم و الخاص بجلسة الاسالة و الاجوبة و هو مستقبل سلسلة Half Life, في البداية بشكل ساخر قال ان رقم 3 لابد عدم ذكره لكنه بعد كده لما تك سؤاله عن هل في مشاريع لسلاسل زي Half Life او Portal هل في امكانية لتقديم العاب جديدة منهم خصوصا انها سلاسل فيها قصص و تفاصيل اكتر من الممكن عرضها ؟؟ الاجابة كانب بكل بساطة هي نعم, و بالشكل دا هو اكد ان في مشاريع للعبتين لكن هل فعلا Half Life بالتحديد ليها جزء ثالث ولا جزء فرعي للاسف مفيش اي تفاصيل. لكنه اكد علي ان الشركة مهتمة بشكل كبير لتقديم تجربة العاب Single Player بالكامل و علق علي التسريبات الخاصة بعدم نية الشركة في تطوير اي العاب من النوع دا و خصوصا Half Life بشكل ساخر و قال انا طبعا بثق في اي كلام بيتقال علي الانترنت.

بعيدا عن النقط دي هو قال انه لعبته المفضلة من العاب الشركة هي Portal 2 و اكتر لعبة Multiplayer لعبها هي Dota 2 و اكد ان عملية انتاج افلام مبنية علي عالم العاب زي Half Life و Portal مازالت مستمرة بالتعاون مع المخرج JJ abrams. و لكن تعليقه الاهم كان عن تطوير الاجزاء السابقة من Half Life اللي وصف اشتراكه في عملية تطويرها بشئ نادم عليه لانه اللعبة بتخليه يفتكر القرارات الخاصة بتطويرها و اللي كانت دايما صعبة و الامر بالنسبة ليه اسهل انه يكون محب للعبة معينة عن انه يكون مشترك في تصميمها و انتاجها.