ستيديو مكون من 6 مطورين و اسمه Lilith Ltd نزلوا زي عرض اولي من الـPre Alpha للعبتهم Allison Road و اللي اشتغلوا عليها من شهر سبتمبر اللي فات.
و Allison Road تعتبر لعبة رعب شبيه بشكل كبير لعبة Silent Hills او PT و من خلال الفيديو اللي هتشوفوه تحت هتلاقوا عرض لفكرة اللعبة و اللي فيها اجواء شبيه بالفعل بـPT و استكشاف الاماكن اللي اقرب من لعبة Gone Home برضو و اللي يخليها مرشح جيد جدا لانها تبقي بديل للعبة اللي اتلغت بعد المشاكل اللي حصلت بين Konami و المطور Hideo Kojima.
مفيش اي معلومات للحظة دي عن الاجهزة اللي هتنزل ليها اللعبة او حتي معاد نزولها.
