SK Productions News Center

التعاون بين المخرج Del Toro و Kojima مازال مستمر من خلال مشروع جديد

المخرج Guillermo del Toro و المطور Hideo Kojima كان في تعاون بينهم في تطوير Silent Hills لكن للاسف التطوير مكتملش بسبب المشاكل اللي حصل مؤخرا بين Kojima و Konami.

لكن في مقابلة مع IGN المخرج Guillermo del Toro قال انه اعجب بشدة بالشراكة بينه و بين kojima و مازالوا علي اتصال و بيخططوا لعمل مشترك في الوقت الحالي لكن مش هتكون Silent Hills.

و del Toro قال تفاصيل عن Silent Hills ان اللعبة كانت لسة في اول مرحلة من مراحل التطوير و هي التخطيط ليها و كان في هدف ان يتم الوصول لاقصي امكانيات الاجهزة الحالية و كان في هدف انها تتلاعب بعقل اللاعب و تقدم تجربة فريدة من نوعها و شبه الهدف دا بلحظة مواجهة Psycho Mantis في الجزء الاول من سلسلة Metal Gear Solid و اللي كانت مواجهة بتتفاعل معاك بشكل كبير.