Konami نزلت بيان اخيار وضحت فيه كل اللي بيحصل مؤخرا بخصوص Kojima و القلق تجاه مستقبل السلسلة و الجزء الخامس برضو.
البيان اكد من علي لسان Kojima انه مازال شغال علي الجزء الخامس و هينزل في معاده و هو شغال بكامل طاقته عشان يقدم افضل لعبة عملها لحد دلوقتي , لكن موضحش في البيان بشكل مباشر حقيقة الموقف اللي حصل بينه و بين الشركة و مقالش بشكل مباشر انه هيمشي بعد تطويره للجزء الخامس الموضوع دا لا يزال مجرد معلومات ظهرت من مصادر داخل الشركة من امبارح.
الاهم من خلال البيان الشركة اكدت علي انها هتستمر في اصدار اجزاء جديدة من السلسلة بعد الجزء الخامس و هيطوروا سلسلة Metal Gear جديدة و نزلوا طلبات توظيف ليها.
يبدوا ان مصير السلسلة غامض لحد دلوقتي و انا شخصيا مش متفائل اطلاقا بعدم حتي اشراف Kojima علي اي اجزاء قريب و السيناريو اللي بيحصل قدامنا هو نفس السيناريو اللي حصل مع مطورين قبل كده امثال Team Silent اللي طور سلسلة Silent Hill و من بعد رحيلهم السلسلة نزل منها اجزاء كانت مستواها اقل بكتير من اول 4 اجزاء.
