في الفترة اللي فاتت Konami ادلت بتصريح اثار استياء ناس كتير و هو انهم شايفين ان تطوير العاب للاجهازة المحمولة هيكون التركيز الاهم ليهم في خلال الفترات اللي جاية.
لكن في تصريح ليهم مؤخرا اكدوا علي عدم تخليهم عن سوق الـConsoles و الـPC لكنهم بسعوا في نفس الوقت لتعظيم ارباحهم من خلال سوق الالعاب المحمولة , Hideki Hayakawa مدير الشركة اكد ان تصريحاته مكنش مقصود منها تركيز كامل علي السوق دا فقط لا غير لكنهم بيسعوا لتقديم العاب سواء للمنصات و اجهزة الـArcade و العاب الكروت بالاضافة للالعاب المحمولة.
Hideki Hayakawa علق برضو علي اللي حصل مؤخرا بخصوص الازمة بين الشركة و Kojima و قال ان الشركة خضعت لتغييرات مؤخرا لفصل الجانب الانتاجي و الابداعي في الشركة عن الجانب المالي و الاداري و دا الغرض منه خلق بيئة للمطورين تخليهم علي قدر اكبر من التركيز.
التصريح الي حد ما وضح جزء بسيط من الاتجاه العام لسياسة الشركة في خلال الفترة اللي جاية لكن طبعا دا موضحش هل فعلا في ازمة بين الشركة و المطور Hideo Kojima ولا لأ لان في عندنا لعبة اتلغي تطويرها و هي Silent Hills و طبعا متكلمش عنها تماما او حتي قال اتلغت ليه و اللي فات ميعتبرش مبرر لالغاء اللعبة.
