SK Productions News Center

الدراما تستمر : Konami توقف Kojima Station Broadcast 

مع التغيرات الصادمة اللي حاصلة ما بين Konami و Kojima Productions كتير من الناس كانوا بيسألوا عن وضع Kojima Station Broadcast وهي فيدوهات بيسجلها مطورين اللعبة وبتسمحلنا نلقي نظرة على اللي بيحصل وراء الكواليس  ونشوف عملية تطوير اللعبة. الإجابة على تساؤلات الناس جت في شكل مجموعة من الـTweets من الحساب الياباني الجديد الخاص بـMetal Gear.

الـTweets شكرت المشاهدين لمتابعتهم لـKojima station و اعتذروا عن توقيف الـbroadcast بسبب ظروف و وعدوا انهم هينشرو معلومات أكتر في الفترة القادمة بخصوص امتى هيرجع الـLivestream .

من باب العلم بالشيء كل logos و اسماء Kojima Productions اتشالت و العمل اتنقل لـ Konami Head Quarters مع ذلك Kojima وفريق العمل الاساسي لسة شغالين على Metal Gear Solid V: The Phantom Pain . 

حساب الـSNS الرسمي الخاص بالعبة اتغير بس لسة بيتم التعامل مع من قبل نفس الناس وهيستمرو في تزويد الناس بالمعلومات كما جرت العادة ونفس الكلام ينطبق على حساب Twitter .

بغض النظر عن كل الكلام ده تطوير اللعبة لسة مستمر وبقوة عشان يتم صنع العالم المفتوح اللي اللاعبين اتوعدوا بيه ودا حسب  تعيلمات Kojima