مسلسل القرارات الغريبة و المفاجاة و الغير واضحة من Konami مازال مستمر و اخر قرارتهم كان من خلال مدير الشركة Hideki Hayakawa و اللي علق علي مستقبل الشركة و التغييرات في السياسة المالية الخاصة بيها و قال ان الشركة هتحول اهتمامها من تطوير العاب علي المنصات للاجهزة المحمولة.
و قال ان مركز تطوير الالعاب حاليا موجود علي الاجهزة المحمولة و هما هيركزوا و هتوسعوا في المجال دا بشكل كبير في المستقبل لان مستقبل تطوير الالعاب موجود في الجانب ده من وجهه نظرهم.
طبعا القرار يكاد يكون غريب جدا و ينضم لقايمة علامات الاستفهام عن اللي بيحصل جوا الشركة من ساعة بداية الازمة بينهم و بين المطور Hideo Kojima و الغاء لعبة Silent Hills.
