فيلم Metal Gear Solid كان تم الاعلان عن النية لانتاجه من حوالي 11 سنة و من يومها و الاخبار عنه شبه منعدمة. لكن موقع Collider قام بمقابلة مع المخرج Jordan Vogt-Roberts اللي بيقوم بأخراج فيلم Kong: Skull Island مؤخرا و اكد ان عملية انتاج الفيلم رجعت من جديد و هو منضم لعملية الانتاج كمخرج و كاتب للسيناريو.
Jordan ابدي اهتمامه و اعجابه الشديد بسلسلة Metal Gear Solid و اعمال المخرج Hideo Kojima و وصفه بالعبقري و انه قام بمقابلته من مدة.
في الوقت الحالي بيتم كتابة سيناريو الفيلم و Jordan اكد بشكل كبير علي اهمية ان الفيلم يكون ناقل السبب ورا تميز السلسلة بكل جوانبها و انه يكون فيلم ناقل روح اللعبة بالكامل و لا يقع في خطئ تقليد افلام اكشن اخري, اللعبة تميزت بوجود جوانب جدية و جوانب هزلية لابد الالتزام بيها و بالاضافة للفلسفات الخاصة بالرسالة العامة للعبة.
و علي ما يبدوا ان Jordan Vogt-Roberts عنده اهتمام واضح و صريح كمخرج و محب لسلسلة Metal Gear انه يقدم فيلم يناسب مكانة و روح السلسلة, فا ما علينا الا انتظار اعلانات اكتر عن عملية الانتاج و اتمني عدم الانتظار اكتر زي ما بيحصل مع فيلم Uncharted.
