المطور Deck13 اللي قدم في السنة اللي فاتت لعبة Lords of the Fallen كان اعلن من مدة علي انه بيطور لعبة RPG جديدة و فيها عناصر خيال علمي.
المفروض المطور اعلن ان لعبته الجديدة هيعرضها لاول مرة في معرض Gamescom خلال الشهر القادم لكن الناشر Focus Home اكد ان العرض من المحتمل مش هيكون فيه Gameplay و تقريبا هيكون عرض عبارة عن CGI انما الـGameplay هيتعرض علي الصحفيين فقط في توقيت المؤتمر.
التفاصيل اللي عرفناها قبل كده عن اللعبة هي انها لعبة Sci-Fi RPG هيكون فيها افكار جديدة و مبتكرة في اسلوب قتال اللعبة و نظام جديد تماما للـLevel Up و تطوير الشخصية الخاصة بيك.
اللعبة بتطور للـPS4 و Xbox One و PC و المفروض هتنزل في 2017
