Rick Pasqualone هو ممثل صوتي في Mafia بيقول إن احنا ممكن نسمع أخبار حلوة جدا قريب.
ممثل صوتي يلمح عن Mafia 3
Rick Pasqualone هو ممثل صوتي في Mafia بيقول إن احنا ممكن نسمع أخبار حلوة جدا قريب.
محبي سلسلة Mafia, ممكن يسمعوا أخبار كويسة جدا جدا قريب عن الجزء اللي جي في سلسلة Mafia. الممثل الصوتي Rick Pasqualone اللي كان عامل صوت Vito Scaletta بطل Mafia 2. لمح على Twitter إن ممكن يتم الاعلان عن لعبة Mafia جديدة قريب.
قال في رد لواحد من جماهير اللعبة على Twitter التالي
@OfficialAidenP might have some exciting news very soon
— Rick Pasqualone (@rickyp66) January 5, 2015
@Nataliebennette very nice. Thanks. Might have some Mafia news very soon!
— Rick Pasqualone (@rickyp66) January 5, 2015
جزء تالت من لعبة Mafia مشاع عنه من مارس 2012, لما مصدر مجهول قال إن اللعبة دخلت في مرحلة إنتاج كاملة, لاحقا في نفس السنة, تقرير تاني قال إن اللعبة كانت تحت التطوير في 2K Czech على أجهزة الجيل الجديد, وهتبقى Launch title بمعنى إنها هتنزل مع موعد اصدار أجهزة الجيل الجديد. ولكن اللعبة دخلت في مشاكل إنتاج وتم تأجيلها.
وبعد كده في يناير 2014, للاسف 2K Games قفلوا المكتب الرئيسي لـ2K Czech, وبعتوا مطورين لستوديو في برنو, و مطورين أخرين لمقر 2K في نوفاتو كاليفورنيا.
لو Mafia 3 فعلا تحت التطوير, فهو غير معلوم أنهي ستوديو من ستوديوهات 2K بيطور اللعبة حاليا. في احتمالية إن اللي بيطور اللعبة هو Hangar 13 ستوديو 2K الجديد اللي فتح في ديسمبر 2014. الستوديو بيقودوا Haden Blackman وهو طبعا معروف بعمله في LucasArt. وحسب حسابه فهو شغال على لعبة سرية ومهمة جدا.
Take-Two Interactive الشركة الأم لـ2K Games قلت إن في كذا لعبة تحت التطوير حاليا غير معلن عنهم. هل ممكن Mafia 3 تكون واحدة منهم؟ هنشوف قريب.
