الـMicrotransactions ممكن تكون من اكتر الحجات اللي تضايق اي شخص يلعب اي لعبة خصوصا لو كان ليها تأثير واضح علي اللعبة اللي بيلعبها. الـMicrotransactions هي عبارة عن اضافات صغير ممكن تشتريها في اي لعبة عشان تدي تاثير واضح علي ادائك في اللعب و معروف بيها العاب الموبيلات و الالعاب المجانية بالتحديد و بيتقال عليها جملة Pay to Win ادفع فلوس عشان تكسب. لكن في Metal Gear Solid 5 الموضوع بيتم ازاي ؟؟
المفروض في الفترة اللي فاتت بعض الصحفيين اخدوا فرصة انهم يجربوا اللعبة و كذا موقع اكد علي وجود مشتريات اختيارية في اللعبة و موقع IGN اكد اكتر ان المشتريات الاختيارية دي عبارة عن حجات بتساعدك علي بناء القاعدة الخاصة بيك في اللعبة من خلال اختصار الوقت اللازم لبناء اجزاء منها.
اللعبة بتخليك تقدر تجمع عملة خاصة بيها في اللعبة نفسها اسمها GMP وتقدر بيها تطور القاعدة بتاعتك… لو العملة مش مكفياك او في تطوير عاوز تشتريه غالي ؟؟ ادفع فلوس حقيقية ممكن تشتري بيها اللي انت عاوزه.
عموما مفيش تأكيد او نفي من جانب Konami بخصوص الموضوع دا لكن اعتقد ان سياسة زي دي مش هتختلف بشكل كبير مع رغبة الشركة في الانتقال لسوق الالعاب المحمولة اللي بتتناسب سياسته مع نفس فكرة وجود Microtransactions في اي لعبة.
