من فترة بعض المطورين اللي يعتبروا ناس بتحب سلسلة Metal Gear Solid قرروا يطوروا Remake للجزء الاول من السلسلة و المشروع اسمه Shadow Moses.من خلال صفحات التواصل الاجتماعي الخاصة بيهم اعلنوا عن ان المشروع تم الغاءه لاسباب خارجة عن سيطرتهم و شكروا كل شخص تابع و دعم المشروع و محددوش بالظبط ايه هي الاسباب دي.
من المتوقع ان الفريق تم التواصل معاهم من خلال شركة Konami لاسباب قانونية تخص حقوق الملكية الخاصة باللعبة و دا تقريبا نفس اللي حصل مع فريق مشروع اعادة تطوير اجزاء السلسلة الاولي علي الـMSX اللي انتهت بأنذار قانوني من الشركة.
مشروع Shadow Moses ظهر لاول مرة في شهر يناير اللي فات من خلال فيديو للعبة المطورة علي Unreal Engine 4.
