أخبار و مراجعات ألعاب الفيديو

الاحداث في روايات سلسلة Metro هيتم استكمالها بسلسلة الالعاب بعد الكتاب الاخير

SHARE
, / 136
الاحداث في روايات سلسلة Metro هيتم استكمالها بسلسلة الالعاب بعد الكتاب الاخير

Dmitry Glukhovsky كاتب روايات Metro اللي استمد منها قصص سلسلة العاب المعروفة بنفس الاسم قال من خلال تصريح بعض المعلومات اللي تخص مستقبل عرض الاحداث الخاص بروياته من بعد اصدار اخر كتاب و هو Metro 2035.

من خلال جلسة اسألة و اجوبة علي موقع Reddit اكد ان سلسلة الكتب هتنتهي مع اصدار Metro 2035 لكن دا مش معناه نهاية القصة الخاصة ببطل اللعبة Artyom لانها اكيد من الممكن هيتم استكشافها بشكل اكبر من خلال اعمال مختلفة عن الكتب, و من الممكن ان يتم سؤال Deep Silver ناشر سلسلة العاب Metro في الحالة دي عن مستقبل استمرار عرض الاحداث و السلسلة من بعد الكتب.

من فترة كان من خلال الموقع الخاص بالكتب ذكر ان سلسلة الالعاب المبنية عليها هتستمر من خلال جزء جديد في 2017 و من بعدها ستيديو 4A اكد علي عدم امكانية تحديد معاد للعبة حاليا لكنها بالفعل هتكون مشروع جديد ليهم. اما بالنسبة للكتاب فا هو يعتبر تجمع لكل خطوط الاحداث في الكتب السابقة و الالعاب بشكل ينهي الاحداث من زاوية الكتب بالتحديد حسب تعليق Dmitry Glukhovsky.