من كام شهر, Klemens Kundratitz رئيس Deep Silver قال في مقابلة مع MCVUK إن الشركة عندها اعلان ضخم هتكشف عنه خلال E3 2016.
التوقع السهل هو إن احنا هنشوف جزء جديد من Saints Row. من ناحية المبيعات فـ السلسلة ديه تعتبر انجح سلسلة بتقوم Deep Silver بنشرها, ولكن الاحتمال التاني هو إن في جزء جديد من Metro.
Metro: Last Light نزلت من 3 سنين. و نسخة الـRemastered اللي شملت Last Light و 2033 نزلت على PC, PlayStation 4 و Xbox One في أغسطس 2014.
ده وقت كافي لتطوير جزء جديد. و بجانب كده, ستوديو 4A Games لمح ان هيبقى ليهم حضور في E3. بعض أعضاء الستوديو مشاركين في منتدى Gameinator و عندما سألهم واحد من الجماهير هل 4A Games هيحضروا E3 2016, واحد من المطورين بـ اسم Sub قال “احنا هنروح”
ولكن, المطور عدل الرسالة و خلاها emoticon/emoji. و يبدو إن سبب التغير ده هو إن تم أمر Sub بمسح الرسالة عشان يقلل من الاشاعات اللي هتطلع بسبب الخبر ده و تفسد “المفاجأة”.
Metro 2033 و Last Light كانوا لعب ممتازة, ولكن سبب نقد اللعبة كان إنها خطية جدا.
و يبدو إن 4A Games شغالين على ظبط الموضوع ده في الجزء القادم من Metro, حسب مقابلة جديدة مع Eurogamer كانت تمت قبل اصدار Redux.
احنا شغالين على الاتنين. شغالين على لعبة جديدة و Redux. احنا عندنا مصادر الانتاج حاليا حرة في التعامل مع Redux لما كان المشروع في مراحل ما قبل الانتاج, ولكن حاليا الفريق اللي شغال على Redux تم طلبه من اجل المشروع الجديد.
عن اللعبة اللي احنا شغالين عنها, فـ المصممين انتقلوا لنظام Sand-box – نظام خطي بنسبة اقل بكتير ولكن يتم قيادته من قبل قصة قوية. أنا مش هخش في تفاصيل أكتر من كده, ولكن موضوع محتاج شغل أكتر من المبرمجين. بالاضافة, احنا بنحسن Graphics في كذا جانب.
