في مقابلة مع المخرج Hideo Kojima في موقع Glixel صرح ان لعبة Death Stranding هي لعبة غير معتمدة علي الرعب و لا تصنف اساسا انها لعبة رعب.
و هو ليه الرغبة في انه يقدم لعبة بأفكار جديدة و شكل مختلف. و من جانب الرعب قال ان اللعبة لا تهدف انهم تعتمد بشكل كبير علي الاجواء السوداوية علي رغم من ان العرضين الاخيرين ظهر فيهم بعض ملامح السوداوية زي حيوانات بحرية ميتة علي شاطئ بحر و اجنة في انابيب اخبار و هياكل عظمية حية و مناطق ملوثة بالكامل بالزيوت البترولية, اللعبة هينتقل ليها جانب من جوانب سلسلة Metal Gear Solid و هو الهزلية في بعض الحوارات و الاحداث و في رأيه ان الهزلية شئ اساسي لابد من وجوده في الالعاب و خصوصا ان كانت العاب بعمر طويل.
و اكد علي ان اللعبة هتقدم كسر للحاجز الرابع و التواصل بشكل مباشر مع اللاعب بأسلوب يدفعه للتفاعل مع اللعبة من خلال عناصر خارج حدود اللعبة زي سلسلة Metal Gear Solid و خصوصا الجزء الاول اللي دفع اللاعب لتغيير اماكن الـControllers لهزيمة Psycho Mantis او تفاعله في الحوار مع اللاعب بذكر اسامي الالعاب المحفوظ ملفاتها علي الـMemory Card.
و في حدث RTX في استراليا كان Hideo Kojima حاضر و اتكلم اكتر عن اللعبة و قال انه بيحاول يقدم لعبة تلبي احتياجات الفترة الحالية اللي نازلة فيها من افكار و تقنيات.
و قال انه بيركز بشكل كبير علي ان العروض و الصور يكون فيها تلميحات و تفاصيل تخص القصة لابد علي اللاعبين متابعتها و ربطة بالسمة العامة بالقصة و هي الاتصال و الروباط بين البشر, و هو سعيد جدا بالتفاعل مع العروض و تفسيرها.
و اكد ان اللعبة هيكون فيها درجة كبير من الحرية لللاعب في عالم مفتوح مندمج فيه السمة العامة للقصة من خلال افكار جديدة للجيمبلاي و فيها عناصر الـOnline الخاصة باللعبة سواء من تنافس او تعاون.
و علق اكتر علي شراكته مع سوني ان قبل عمله معهم اتعرض عليه اكتر من عرض من اكتر من شركة علي مستوي العالم, حتي في عروض كانت من اشخاص في الامارات العربية المتحدة بتقديم تمويل ضخم ليه.
لكنه اكد ان اختيار Sony يرجع لمدي حرية الاختيار و الابداع المتاحة من خلال العمل معهم, في خلال الاعوام السابقة هو كان في شراكة بينه و بينهم علي مدار 20 سنة و يعرف كل الاشخاص و المديرين و العمل معهم هيضمنله نسبة فشل ضعيفة جدا, و مشروع زي Death Stranding يحتاج قدر ضخم من حرية الابداع.
و اخيرا قال ان مشروع اللعبة هيكون علي الـPlaystation 4 و بدون اي نية لنقل المشروع لجيل جديد لو في Playstation 5.
