أخبار و مراجعات ألعاب الفيديو

تقارير عن سوء وضع بيئة العمل في Konami

SHARE
, / 180

علي ما يبدوا ان الكلام اللي هتقروه في السطور اللي جاية ممكن يكون مقدمة تأهل لفهم طبيعة شركة زي Konami في التعامل مع موظفينها و بالتالي ممكن تلمح بشكل كبير لاسباب بسيطة بخصوص الصراع بين الشركة و Kojima.

صحيفة Nikkei المالية في اليابان كتبت تقرير عن طبيعة و بيئة العمل في الشركة اللي حسب اللي اتكتب اشبه بالجحيم. مبدأيا التقرير ذكر ان تكلفة تطوير الجزء الخامس من Metal Gear Solid كانت 80 مليون دولار و واحد من اسباب انهيار العلاقة بين Kojima و الشركة هو احتياج المطور لتمويل بشكل اكبر للعبة خصوصا مع استثمار الشركة في العاب للاجهزة المحمولة عادت علي الشركة بمكاسب مالية ضخمة و ستيديو Kojima Productions بعد الازمة دي اتقفل و تم فصل جميع اجهزته عن سيرفيرات الشركة و عن الانترنت و تم تسميته Production Studio number 8.

علي جانب اخر التقرير ذكر ان طبيعة العمل بالنسبة للموظفين العاديين هي اكثر من مأسوية, علي سبيل المثال اي شخص في فترة الاستراحات لو ترك مكان العمل بيتخصم فترة غيابه من مدة عمله عن طريق متابعة وجود الموظفين في الشركة بـTime Cards.

مفيش اي Emails ثابتة للموظفين و بيتم تغييرها كل شهر و بتكون Emails عبارة عن حروف عشوائية و ارقام فقط و بعض المطورين اللي شغالين في ستيديوهات معينة لو الادارة شعرت بعدم فايدته ممكن يتعين في نشاط حراسة او نظافة و كاميرات المراقبة غرضها في الشركة مراقبة و التجسس علي الموظفين اكتر من الحراسة و الامن.

علي ما يبدوا من التفاصيل اللي فاتت وصف طبيعة العمل في الشركة بأنها اشبه بالجحيم وصف بسيط و عادي جدا, لان بعيدا عن المشاكل بين الشركة و Kojima اللي ممكن نقولوه ان Konami بتتعامل مع موظفينها زي العبيد.