Konami للاسف شركة عجيبة و مش مفهوم ايه وجهه نظرهم من ناحية العابهم اللي ليها جمهور كبير حب الالعاب دي علي مدار ربع قرن !!
مش محتاج طبعا اشرحلكم اللي حصل مع Kojima و المصير المنتظر لسلسلة Metal Gear Solid من بعده و في الفترة اللي فاتت سمعنا تفاصيل عن اخبار عن سوء وضع بيئة العمل و معاملة الموظفين في الشركة.
لكن مؤخرا بدأنا نشوف بعض الالعاب بيتم بأسمها انتاج ماكينات Pachinko اللي هي ماكينات للمقامرة محبوبة في اليابان, و اخر العابهم اللي بدات الشركة في استخدام اسمها في انتاج الماكينات دي هي Silent Hill!!
بالفعل بعد الغاء الجزء الاخير المنتظر الشركة تستغل اسم اللعبة لترويج لـPachinko Machines و مش Silent Hill بس اللي حصلها كده برضو سلسلة Castlevania ليها Pachinko Machine خاصة بيها و الله اعلم هل الدور جي لسلسلة Metal Gear Solid ولا لأ لكن عموما سياسة الشركة من الواضح انها قايمة علي الحصول علي الربح بأي شكل حتي لو علي حساب سلاسل محبوبة و استغلالها و تدمير الانجاز اللي عملته الشركة علي مدار فترة طويلة من خلال السلاسل دي.
