Nordic Games المطور اللي كان قدم سلسلة Darksiders و استحوذ علي حقوق انتاجها بعد افلاس الناشر THQ لمح بشكل كبير لان في احتمالية لتطوير الجزء التالت من السلسلة.
من خلال المنتديات الخاصة بـSteam المنتج Reinhard Pollice من خلال ردودوه علي نقاش بخصوص هلي في امكانية لتطوير الجزء التالت ولا لأ هو اكد و قال ان الـRemaster الاخير كان مجرد بداية وغرضه استطلاع اهتمام الناس باصدار جزء جديد و من ساعة استحواذهم علي حقوق انتاج اللعبة و هما بيدرسوا خطة انتاج الجزء ده.
في الحقيقة انا شخصيا اتمني حاجة زي كده تحصل لان فعلا الجزء التاني بنهايته لمح بضرورة وجود جزء تالت و غير كده اللعبة تعتبر من سلاسل الالعاب المهضوم حقها و نسبة قليلة من الناس تعرفها.
