Patrice Désilets المسؤول عن تطوير اول جزء من Assassin’s Creed و ظهور السلسلة للنور كان علي خلاف قضائي مع Ubisoft علي حقوق لعبة اسمها 1666 Amsterdam.
Patrice اثناء تطويره للعبة اتطرد من الاستيديو بعد لما كان رجع من THQ بعد افلاسها و دخل في صراع قضائي مع Ubisoft علي ملكية اللعبة, النهاردة المخرج اعلن ان الخلاف انتهي و بقي في ايده حقوق ملكية اللعبة و ادارتها ماليا و ابداعيا.
Patrice حاليا شغال علي مشروع اسمه Ancestors: the Humankind Odyssey في ستيديو انشأه من سنة اسمه Panache Digital Games و اللعبة دي هتكون تركيزه الاساسي و من خلال حسابه الشخصي علي Twitter اكد علي رجوع اللعبة و الاتفاق مع Ubisoft مع صورة فنية من اللعبة نفسها .
Friends, Ubi and I agreed, I got it back! :) https://t.co/lKqj5enJth #1666Amsterdam pic.twitter.com/Z19MLwdgEY
— Patrice Desilets (@PatriceDez) April 25, 2016
غير كده Yannis Mallat مدير ستديوهات Ubisoft في مونتريال و ترونتو اكد انهم توصلو لاتفاق ودي بينهم و بين Patrice و نبذ الخلاف بينه و بين الشركة ككونهم مطورين بيسعوا للارتقاء بمستوي صناعة الالعاب.
