الـreboot الخاص بلعبة Doom الى صدر السنة دى كان بعد 12 سنة من اصدار Doom 3 , الانتظار الطويل دة و الى كان من ساعة الاعلان عن الجزء الرابع فى 2008 و اللي حصل ان تم الغائه فى 2011 قبل ما يتم الاعلان عن الجزء الجديد فى 2014.
احد اعضاء فريق id software صرح ان الاصدار الرابع من اللعبة تم الغاؤه لانه كان شبيه جدا بالالعاب الشوتر التانية حتى ان المنتج marty stratoon اطلق على النسخة الاولية من اللعبة اسم Call of Doom , و اكمل تصريحه انها كانت قريبة اوى من النوع دة من الالعاب سينمائية و تركيز كبير على القصة و الشخصيات الى معاك و كمان عالم اللعبة كان فى كوكب الارض
و اكد stratoon ان مكنش فى الاحساس المعروف عن لعبة Doom اللعبة كانت عبارة سيناريو مكتوب و مجرد انك تاخد cover و تموت مجموعة من الزومبى.
المخرج Hugo Martin صرح عن رأيه فى الجزء الرابع , اللعبة كانت اكتر سلاسة و بتتكلم عن دمار العالم و غزو جحيمى و انه متفهم هما ليه اخدوا الاتجاه دة انا نفسى ممكن افكر انى استكشف فكرة زى دى لكن فى لعبة ميكونش اسمها Doom.
فى النهاية اكد الاتنين ان الغاء الجزء الرابع كان رائع و لكن من ناحية تانية من المؤسف اننا مش هنقدر نشوف اللعبة دى عالاقل الفترة دى ممكن فى المستقبل تحت مسمى تانى غير Doom.
و جدير بالذكر ان كل التصريحات اللي قالوها كان من خلال اول جزء لفيلم وثائقي عن تطوير اللعبة من انتاج Danny Odwayer واحد من المنتجين السابقين للفيديوهات الخاصة بموقع Gamespot.
