شخص ادعي انه مطور سابق في Rockstar و من خلال تخفيه ورا اسم AnonDN1978 علي Reddit قال ان الجزء اللي جي من Red Dead Redemption هيكون بعنوان Legends of the West و هيكون موجود علي اجهزة الجيل الجديد و بعد صدورها بشهر هتكون موجودة علي الـPC.
اللعبة هتكون في نفس المنطقة اللي كانت فيها Red Dead Redemption و هيكون ابطالها Seth و Irish اللي ظهرو في الجزء الاول برضو , اللعبة احداثها مع Irish هتاخد مسار خاص برحلته من ايرلندا لامريكا و Seth و رحلته اللي ساب عيلته بسببها عشان يدور علي كنز و اللي اتسببت في حالته الغير متزنة اللي شوفناها في الجزء الاول.
اللعبة هيكون فيها شخصية تالتة لكن هتكون خاصة بالـMultiplayer بنفس نظام GTA V و هيكون في اهتمام كبير بالاحصنة في اللعبة من حيث ان هيكون في الفصائل و الانواع الخاصة بيها و تعدل الادوات اللي بتستخدمها معاهم.
اللعبة هيكون فيها برضوstranger missions زي الجزء الاول و من الممكن انك تستعين بمساعدة الشخص التالت في بعض المهمات و من خلال مهمات الـfree roaming في الـmultiplayer هيكون في امكانية انك تستعين برضو بـSeth و Irish.
اللعبة هيكون فيها حاجة اسمها Gang System و من الممكن من خلالها تخش مع عصابات مختلفة او من الممكن تشتغل مع الجهات الخاصة بفرض القانون بس هيتقفل نشاطات كتير زي سرقة المحلات و هكذا , و اللعبة هيكون فيها Coop في القصة في بعض المهمات بحيث انك ممكن تجيب 4 لـ 8 صحابك و تكونوا Posse خاصة بيكم.
اللعبة هترجع بعض الشخصيات القديمة زي Bonny Macfarlane و John Marston بس هيكون لسة موجود في العصابة اللي احنا عرفنا تفاصيل علاقته بيها من الجزء اللي فات.
