ناس كتير وأنا منهم بنحلم بجزء تاني من Red Dead Redemption على الجيل الحالي, وحتى الآن كعادة Rockstar مفيش أي كلام هل اللعبة ليها جزء تاني تحت التطوير مفيش أي حاجة.
ممكن يبقى في تغير في كده واحد موظف سابق في Rockstar اسمه Danny Ross كان عامل AMA على Reddit, فضل خلالها يرد على اسئلة مستخدمي Reddit. اهم سؤال كان إيه اللي Rockstar شغالة عليه دلوقتي, رد Ross كان عجيب جدا ولكن الرد في حد ذاته كان فيه تلميح. رده كان كالتالي
Really? Dumbass. Really? Two
الرد طبعا كان قوي شوية ولكن لو أخدت بالك من أول كل حرف في كل كلمة هتفهم ليه هو قال كده “RDR 2” يبدو إن الموظف السابق في Rockstar بيلمح إن اللعبة القادمة من Rockstar هي Red Dead Redemption 2.
طبعا الموظف ده ممكن يكون بيشتغلنا عادي جدا, بس عمتن في The Game Awards يوم الخميس اللي جي و PlayStation Experience آخر شهر, فـ من الممكن إن احنا فعلا نشوف حاجة عن RDR 2 أو أي لعبة لـRockstar أو حتى اضافة القصة الخاصة بـGTA Vز
