بعد الاعلان عن لعبه Resident Evil 7 في معرض E3 كان في تساؤلات كتير و Koushi Nakanishi مخرج اللعبه جاوب عن اغلبها في مقابله مع موقع IGN و هي كانت اهمها علي رغم ان الـTeaser المتاح تجربته لن يتواجد في اللعبه الكامله لكن هيكون في عناصر ظهرت فيه متواجدة في اللعبة الاساسية , و قال ان موجود فيه بس الاعمدة الاساسيه للـGameplay و هم الخوف و الرعب و استكشاف البيئه المحيطه , و لكن الباقي زي اداره الموارد اللي معاك للبقاء و حل الالغاز و حتي اساليب القتال فاللعبه كل ده لسه هيظهر فاللعبه الكامله و ان تركيزهم عن الرعب فالجزء ده بسبب ان الناس حست انه اختفي قبل كده , فدي طريقتهم انهم يقولو انه رجع , و ان اختيارهم للمنظور الشخص الاول ده كان شيء محدد من الاول عشان يوصلو اكبر تجربه للرعب فاللعبه , و قررو انهم يرجعو الـHerbs تاني , مع الغائهم للـQuick Time Events فاللعبه بشكل عام
اللعبه هتصدر في 24 يناير علي PC و Xbox One و PS4
