SK Productions News Center

تقارير عن الغاء Rockstar للعبة Agent

في E3 2010 كانت شركة Rockstar اعلنت عن لعبة جاسوسية في فترة الحرب الباردة اسمها Agent و كانت من المفترض تبقي حصرية للبلاي ستيشن 3.

من ساعة الاعلان عن اللعبة و مفيش اي كلام عنها تماما و مجرد تقارير بس بتجديد العلامة التجارية بتاعتها مش اكتر. لحد ما ظهر تقرير من gamefly اكد الغاء اللعبة بشكل كامل عن طريق رسالة بتتبعت من ادارة محلات Gamefly ان اللعبة هتتمسح من قواعد البيانات و من عند اي حد حاططها علي زي Wishlists و الاسباب ترجع لان اللعبة اتلغت من الناشر.

الموضوع ميعتبرش رسمي بشكل كامل لان مفيش تأكيد من Rockstar اللي اتعودنا ان احنا نعرف حالة اي لعبة من لعبها بتصريحات رسمية بتيجي بعد سكوت زي ما حصل مع مصير لعبة GTA V علي الـPC مثلا.