اشاعة من الممكن نقول صعبة التصديق بس كل شئ وارد , المفروض حسب مصادر لـRooster Teeth ان Microsoft هتشتري Silent Hills من Konami و تكون حصرية للـXbox One.
الاشاعة بتنص علي ان 80% من لعبة Silent Hills كان تم تطويرها و كان بيتم التجهيز لاصدارها في مارس 2016 لكن من بعد الخلاف بين Konami و Kojima شركة Microsoft بتتحرك لانها تستحوذ علي حقوق انتاج اللعبة بحيث تكون حصرية للـXbox One و استحواذهم علي اللعبة هيكون في مقابل دفع مليارات من الدولارات.
الخبر من الصعوبة تصديقه بسبب ان مدير Konami كان صرح من ساعات في الرد علي فكرة اهتمامهم بتطوير العاب محمولة علي حساب تطوير العاب للـConsoles و الـPC بأنهم هيستمروا في تطوير العاب لكل جانب و هيطوروا العاب من سلاسل زي Silent Hill و Metal Gear Solid اللي عاوز يعرف تفاصيل اكتر يقري المقالة دي.
ثانيا اي شخص متابع او ملاحظ سياسات Konami مع نقطة الحصريات الشركة في الفترة اللي فاتت تقريبا توقفت تماما عن تقديم اي حصريات لاي منصة علي سبيل المثال اخر حصرية الشركة انتجتها هي Metal Gear Solid 4 للبلاي ستيشن 3 و الجزء الخامس من السلسلة هينزل لكل الاجهزة و لو بايدهم يطوروه للـWiiU مش هيكون عندهم مانع.
عموما الموضوع دا مع الوقت هنشوف مدي صحته و خلونا فاكرين انها اشاعة.
