يظهر ان سلسلة Metal Gear Solid هتعاني في الفترة اللي جاية مع وجود اسمها في ايد ناس منعرفش عنهم حاجة. علي سبيل المثال مصير السلسلة من بعد الجزء الخامس مجهول و بالاضافة ان الفيلم اللي كان من حوالي سنتين اتقال انه هيتعمل للعبة تم تعيين كاتب لكتابة قصته من شركة Sony Pictures و الكاتب هو Jay Basu.
طبيعي انك تستغرب و تقول مين هو Jay Basu ؟؟ لان فعلا هو يعتبر كاتب مغمور مكتبش الا خمس افلام تقريبا اعلاهم تقييما علي موقع IMDB تقريبا 6:10 , و المفروض انه شغال حاليا علي مشروع Cinematic Universe زي افلام Marvel بيجمع Frankenstein, Dracula, Wolf Man.
فا علي ما يبدوا ان الفيلم هيبقي في مخاوف منه و خصوصا ان بشكل عام الافلام المبنية علي الالعاب مش بتبقي بالمستوي المطلوب و في انتظار اعلان تفاصيل اكتر عن فيلم Metal Gear Solid.
