SK Productions News Center

احتمالية لعدم استخدام الـServer Browser في لعبة Star Wars Battlefront

مدير مجتمع اللاعبين في شركة EA صرح بأن لعبة Star Wars Battlefront مش هتستخدم نظام الـServer Browser المتبع في سلسلة Battlefield و بداله هيكون فيه نظام Matchmaking معتمد علي ترتيب معين بيقيم مهارات اللاعبين نفسهم.

نظام الـServer Browser بيسمح لاي شخص انه قبل ما يلعب يشوف الـserver اللي هيخش عليه ايه نظامه من ناحية عدد اللاعبين او الـPing و مين الفايز و مين الخسران و موجود في العاب تانية كتير, لكن مع الاعلان عن الخبر دا بالنسبة لـStar Wars Battlefront كان في المقابل احباط من عدد من اللاعبين بسببه لانه هيأدي لحرمان ناس كتير من المميزات الخاصة باستعراض الـServers و كمان تأجير و التحكم في الخرايط المعروضة في اللعبة و استخدام خرايط محددة حسب رغبة صاحب الـserver او اللاعب اللي هيلعب بشكل عادي.

جدير بالذكر ان بداية من الشهر اللي جي هيكون في Beta للعبة.