ايه اللي بيحصل مع Take-two ولعبة Agent ؟؟ سؤال مهم ممكن يتسال من بعد اعلان سوني في معرض E3 2009 عن اللعبة ومصيرها إلي الآن محدش يعرف عنه معلومات مؤكدة باستثناء تسجيلها كعلامة تجارية فيما عدا ذلك المعلومات الصريحة عن اللعبة تكاد تكون اشبه بالعدم.
لكن مؤخراتم تسجيل العلامة التجارية للعبة من قبل Take-two بتاريخ 13 يوليو 2013 و المتعارف عليه ان عند تسجيل براءة اختراع واسم تجاري لأي منتج عموما وخاصة في حالة لعبة Agent وهو بيكون عبارة عن اجراء وقائي او استباقي وتأميني عشان يمنعوا اي شركة او طرف تاني من استخدام الاسم, ولذلك في الحالة دي لازم اللي قدم طلب براءة الاختراع او تسجيل العلامة التجارية يطلب التجديد كل 6 شهور في حالة عدم ظهور اي شيء ملموس من المنتج وهو دا اللي حصل اننا بالفعل مشوفناش اي جيم بلاي او صور او اي دليل نستند من خلاله ان اللعبة بيتم العمل عليها. والفترة دي بتتقسم علي 5 اجزاء كل جزء زي ما قولنا بيكون 6 شهور وبعد كدة بيسقط حق المتقدم دا في المطالبة بحقوق براءة الاختراع للإسم التجاري ده.
وعشان تتجنب Take-two تخليها عن الاسم التجاري قدمت طلب جديد بتسجيل اللعبة متضمنين الاسم التجاري واللوجو الخاص باللعبة مرة تانية وده هيديهم حقوق امتلاكهم للإسم لمدة 3 سنين ونص كمان.
اي شخص من منتظري اللعبة مش لازم يكون للخبر دا عليهم اي تأثيرات لان تسجيل الإسم التجاري مرة تانية مش دليل ان اللعبة تحت التطوير بأي حال من الاحوال, خاصة ان روكستار وهي الشركة المطورة لـAgent حاليا بتصب كافة اهتمامها في لعبتها الجديدة المنتظرة Red dead redemption ولكن بالرغم من كدة اصرار Take-two بالحفاظ علي الاسم التجاري واللوجو للعبة بيؤكد برضه ان بلا شك فيه خطط مستقبلية ليها لكن لم تعلن بعد.
