شركه TellTale كانت اعلنت في The Game Awards السنه الي فاتت عن لعبه ليهم بتتناول قصه Batman و هتركز علي Bruce Wayne بشخصياته بالتساوي سواء كرجل الاعمال او كـBatman , و اللعبة المسؤولين عنها هم الي طوروا Tales from Borderlands و The Wolf Among Us و كانت الشركة حددت ان الحلقه الاولي هتنزل في اغسطس لكن محددتش اليوم.
لكن النسخه المميزه من الحلقه و اللي هي حصريه للـConsoles هتنزل في 13 سبتمبر لامريكا و لاوربا في 16 سبتمبر , فغالبا اصدار الحلقه هيكون في اواخر شهر اغسطس , و من الناس الي جربوها في E3 قالو ان البدايه كانت تقيله و بطيئة و بتدي طاقه قليلة و مش بتحمس الشخص للتكملة , و لكن الاداء الصوتي رائع.
