قليل جدا لما نسمع الكلمتين دول جنب بعض DLC و مجاني !! دي حقيقة و حصل بالفعل.
المطور CD projekt اللي شغال علي لعبة The Witcher 3 اعلن ان اللعبة هيكون ليها حوالي 16 DLC لكن ولا واحد منهم يطلب منك تدفع مبلغ اضافي فوق تم اللعبة زي ما اتعودنا في الفترة اللي فاتت من مطورين و ناشرين كتير.
حسب تصريح المطورين انهم بيتبعوا سياسة ان العميل ليه الاولوية القصوي و دا هدف المطور من اول يوم , و في رسالة لمحبي اللعبة اعلنوا انهم عاوزين يخلوا بالفعل تجربة تحديث اي لعبة من حين لاخر تكون تجربة حقيقة و مجانية كمان.
الاضافات مفيش تفاصيل كتير عنها بس بشكل بسيط هيكون في منهم دروع للحصان الخاص بيك في اللعبة و ملابس و امكانية حلاقة شعر و دقن البطل باشكال مختلفة.
و في تعليق من الاستديو علي سياسات الـDLC في الايام دي قالو ان من سوء الحظ انهم يشوفوا مطورين و ناشرين كتير بيجو في الاخر و يفرضو علي الناس مصاريف اضافة علي السعر الاصلي للالعاب و في ناس كتير بتحب الالعاب دي بس لازم تظبط مصاريفها بشكل اكبر.
لكن لعبتهم هتمارس السياسة دي بشكل مختلف و هيقدمو 16 DLC بشكل مجاني علي كل الاجهزة .
اللعبة هتنزل في 24 فبراير اللي جي علي PC و Playstation 4 و Xbox One
